Siv tug cim nthuav lug coj lug qha has tas nwg tseem yuav muaj ob peb yaam kws tseem yuav has ntxiv ntawm txuj kaab ntawv.

Kev siv kws sau yog:

1. Nyob nplaj teb nuav muaj ob yaam kws tuab neeg tshaw tshaaj: nyaj txag hab kev hlub.
2. Nwg lub hom phaj qha taag lawm:  ua kom yeej xwb.
3. Tug xibfwb qha txug ob peb yaam kob:  dlaaj, dlawb, lab, hab ntsuab.
4. Ib xyoos twg muaj ob peb lub caij:  caij ntuj naag, caij ntuj su, hab caij ntuj no.
5. Tug kws qha ntawv has ib cov lug tsua nwg cov tub-ntxhais nkawm ntawv:  "Tsau sab kawm es mej txha le txawj."
6. Thov hawm txug:

 

Kev siv kws sau tsi yog:

1. Tug xibfwb has:  kob dlub, dlaaj, hab lab.
2. Nwg saib: cov mov, nqaj, hab dlej haus.
3. Kuv tsi ua vim: kuv tsi txawj.
4. Kuv nyam ntau yaam kev ua si xws le:  ntaus pob, ncaws pob, hab pov pob.
5. Nwg txuj hauj lwm yog:  ua zaub, ua mov, hab ntxuav taig dlav.

Yuav yog thaum twg txha le paub tas siv yog los tsi yog?  Qhov tseem ceeb tshaaj yog yuav tsum saib saib kaab ntawv ua ntej tug cim nthuav lug nwg puas nyob tau nwg.  Yog tas muab tog ntawv tom qaab tug cim nthuav lug ntawd rhu lawm es yaav ua ntej ntawd nwg tseem has tau meej nua tes ua yog lawm; yog has tsi meej, tsi kawg nua tes tsi yog.